बादलले तयार पारेको प्रतिवेदन ग्रहण गर्ने एमाले सचिवालय बैठकको निर्णय

काठमाडौं- नेकपा एमाले सचिवालय बैठकले उपाध्यक्ष रामबहादुर थापा ‘बादल’ द्वारा तयार पारिएको प्रतिवेदनलाई ग्रहण गर्ने निर्णय गरेको छ। यसअघि महासचिव शंकर पोखरेलले तयार पारेको प्रतिवेदनका केही महत्वपूर्ण अंशहरूलाई समेत समेटेर बादलको उक्त दस्तावेजलाई अन्तिम रूप दिइएको हो।

पोखरेलले सातवटै प्रदेशका कार्यकर्ताहरूको सुझाव संकलन गरी एमाले नेतृत्व परिवर्तन गर्नुपर्ने आशयको छुट्टै प्रतिवेदन तयार पारेका थिए । तर अध्यक्ष केपी शर्मा ओलीको विकल्प खोज्न नहुने अडान राख्दै आएका बादलले त्यसको प्रतिवाद गर्दै अर्को प्रतिवेदन बनाएका थिए ।