मनास्लुमा हिमपहिरोमा नेपाली गाइडसहित भारतीय–जर्मन आरोहीको मृत्यु

काठमाडौँ। नेपालको मनास्लु हिमालमा हिमपहिरोमा परी भारतीय–जर्मन पर्वतारोही ध्रुव ज्योति गुहा र नेपाली शेर्पा गाइड फुरसेम्बा शेर्पाको मृत्यु भएको छ।

शनिबार राति मनास्लुको क्याम्प–३ मा उनीहरू बसेको टेन्टमाथि ठूलो हिमपहिरो खसेपछि दुवै जना सम्पर्कविहीन भएका थिए। खोजी तथा उद्धार टोलीले उनीहरूका शव करिब सात फिट गहिरो हिउँमुनि पुरिएको अवस्थामा फेला पारेको हो।