एमाले पुनर्गठन कार्यदलको प्रतिवेदन सचिवालयबाट स्वीकृत, अब केन्द्रीय कमिटीमा जाने

काठमाडौं– नेकपा एमालेभित्र पार्टी पुनर्गठन र निर्वाचन समीक्षाका लागि तयार पारिएको प्रतिवेदन अब केन्द्रीय कमिटीमा छलफल हुने भएको छ।

पार्टी सचिवालयको आइतबार बसेको बैठकले उपाध्यक्ष रामबहादुर थापा ‘बादल’ संयोजक रहेको निर्वाचन समीक्षा तथा पार्टी पुनर्गठन कार्यदलको प्रतिवेदन ग्रहण गर्दै त्यसलाई केन्द्रीय कमिटीमा लैजाने बाटो खुला गरेको हो।