गौतम बुद्धले पत्नी यशोधरालाई प्रेम गर्थे वा गर्दैनथे ?

मानौँ, मानव समाज एक रंगमञ्च हो । के समाज र निजी जीवनमा गरिने प्रेम–सम्बन्धबीच पातलो पर्दा छ ?

प्रसंग कुञ्ज नाटकघर थापागाउँमा मञ्चित नाटक ‘...गच्छामि’को हो । नाटकमा एउटा दृश्य छ, युवराज सिद्धार्थ गौतमले आफ्नो राज्यका युवतीलाई उपहारस्वरूप लत्ता–कपडा बाँड्छन् । एक हुल युवतीलाई खुला ठाउँमा उपहार बाँडिसकेपछि पातलो पर्दाभित्रबाट नारी आवाज आउँछ । यशोधराले भन्छिन्, ‘उपहार त सबै बाँडेर सकियो, मेरो लागि केही छ ?’