उद्योगीलाई अप्ठेरो पर्दा मधेस सरकार साथमै हुन्छ : अर्थमन्त्री भट्टराई

सिरहा। मधेस प्रदेशका अर्थमन्त्री युवराज भट्टराईले उद्योगी–व्यवसायीलाई अप्ठेरो पर्दा प्रदेश सरकार अभिभावकका रूपमा साथमा रहने बताएका छन्।

नेपाल इँटा उद्योग महासङ्घ मधेस प्रदेशको जनकपुरमा सम्पन्न चौथो वार्षिक साधारणसभालाई आइतबार सम्बोधन गर्दै मन्त्री भट्टराईले प्रदेश सरकारको भूमिका कर सङ्कलनमा मात्र सीमित नरहेको बताए। उद्योगी–व्यवसायीका समस्या समाधानका लागि सरकार निरन्तर संवाद र सहकार्यका लागि तयार रहेको उनको भनाइ छ।