म्यानचेस्टर डर्बीमा पुनरागमन गर्दै सिटी विजयी

म्यानचेस्टर । फिल फोडेनको दुई गोलको मद्दतले म्यानचेस्टर सिटीले गोलले पछि परेको स्थिति उल्टाउँदै डर्बी खेलमा चिरप्रतिद्वन्द्वी म्यानचेस्टर युनाइटेडलाई ३–१ गोलले हराएको छ ।

खेलमा अग्रता युनाइटेडले लिएको थियो । मार्कस रासफोर्डले ब्रुनो फर्नान्डेजको पासमा खेलको आठौँ मिनेटमा टोलीलाई अघि बढाए । तर, दोस्रो हाफमा सिटी खेलमा फर्कियो ।