बौद्धनाथको अखण्डदीपबारे विवाद, गुठीद्वारा भ्रम सिर्जना गरिएको आरोप

काठमाडौं । बौद्धनाथ मेलम्ची घ्याङ गुठीले बौद्धनाथ महाचैत्यमा अनादिकालदेखि प्रज्वलित हुँदै आएको भनिएको अखण्डदीप निभेको र त्यसलाई विधिपूर्वक पुनः प्रज्वलित गर्न रोकिएको बताएको छ । गुठीले व्यवस्थापन समितिसँग आबद्ध व्यक्तिहरूले अर्कै बत्तीलाई अखण्डदीपका रूपमा प्रस्तुत गर्दै भ्रम सिर्जना गरेको आरोपसमेत लगाएको छ ।

गुठीका मुख्य धर्मगुरु चिनियाँ लामा भूपति बज्र लामाले भक्तहरूले बाल्ने नियमित बत्तीलाई अखण्डदीपका रूपमा प्रस्तुत गरिएको बताएका छन् । उनका अनुसार उक्त बत्तीलाई अखण्डदीपका रूपमा देखाउन ‘अखण्डदीप’ लेखिएको फ्लेक्स बोर्डसमेत राखिएको छ ।