रास्वपाले ‘राइट टु रिकल’को दस्तावेज बनाउने, चार विषयगत उपसमिति गठन

काठमाडौं– राष्ट्रिय स्वतन्त्र पार्टी (रास्वपा)ले जनप्रतिनिधिलाई मतदाताप्रति थप जवाफदेही र उत्तरदायी बनाउने उद्देश्यसहित ‘राइट टु रिकल’ सम्बन्धी अवधारणालाई अघि बढाउने भएको छ।

यसका लागि गठित ‘राइट टु रिकल’ सम्बन्धी दस्तावेज निर्माण समितिको पहिलो बैठक आइतबार पार्टी केन्द्रीय कार्यालयमा बसेको छ। महामन्त्री एवं समितिका संयोजक विपिन कुमार आचार्यको अध्यक्षतामा बसेको बैठकले अवधारणासम्बन्धी बहसलाई थप विस्तार गर्दै दस्तावेज तयार गर्ने निर्णय गरेको हो।