म्याद गुज्रिएका खाद्यवस्तु बिक्री गर्नेलाई दुई लाख जरिबाना

पोखरा। म्याद गुज्रिएका खाद्यवस्तु पुनः प्रशोधन गरी नयाँ प्याकेटमा प्याक गरेर बिक्री वितरण गरेको पाइएपछि पोखरा महानगरपालिका–९, नयाँबजारस्थित मोहित ट्रेडर्सलाई जिल्ला प्रशासन कार्यालय कास्कीले २ लाख रुपैयाँ जरिवाना गरेको छ।

जिल्ला प्रशासन कार्यालय कास्कीको नेतृत्वमा आइतबार गरिएको संयुक्त बजार अनुगमनका क्रममा ट्रेडर्समा बिक्रीका लागि राखिएका अधिकांश खाद्यवस्तु म्याद गुज्रिएका तथा किराले खाएर खान अयोग्य अवस्थामा भेटिएका थिए । पसलको सरसफाइको अवस्था पनि कमजोर रहेको अनुगमन टोलीले जनाएको छ ।