श्रमिक कम्युनिस्ट पार्टी विघटनको घोषणा (विज्ञप्तिसहित)

काठमाडौँ । मोहन वैद्य ‘किरण’ नेतृत्वको पार्टीसहित अन्य पार्टीहरूबाट फुटेर नयाँ बनाइएको ‘श्रमिक कम्युनिस्ट पार्टी नेपाल’ विघटनको घोषणा गरिएको छ । आइतबार सो पार्टीमा आबद्ध रहेका २५ जनाले संयुक्त वक्तव्य जारी गर्दै पार्टी विघटन भएको घोषणा गरेका हुन् ।

२०८१ वैशाख १७ गते किरण नेतृत्वको क्रान्तिकारी कम्युनिस्ट पार्टी लगायत विभिन्न पार्टीहरूबाट विद्रोह गरी नयाँ अभियानको घोषणा गरिएको, जेठको १७–१८ गते काठमाडौँमा विशेष भेला गरी श्रमिक कम्युनिस्ट पार्टी नेपाल राष्ट्रिय सम्मेलन आयोजक समिति गठन गरिएको र सो समितिले मङ्सिरमा राष्ट्रिय सम्मेलन गर्ने निर्णय गरे पनि सम्मेलन नै हुन हुन नसक्ने अवस्था बनेपछि अन्ततः पार्टी नै विघटनको घोषणा गरिएको विज्ञप्तिमा उल्लेख छ ।