एन्फाका कोषाध्यक्ष जोशी र लेखा अधिकृत पाण्डे पक्राउ

काठमाडौं- खेलमा मिलेमतो, अनियमितता तथा ठगी सम्बन्धी कसूरमा संलग्न रहेको आरोपमा अखिल नेपाल फुटबल संघ (एन्फा) का कोषाध्यक्ष र लेखा अधिकृत पक्राउ परेका छन् ।

नेपाल प्रहरीको केन्द्रीय अनुसन्धान ब्यूरो (सीआईबी) ले एन्फाका कोषाध्यक्ष ६० वर्षीय रवीन्द्र जोशी र लेखा अधिकृत ५५ वर्षीय सञ्जीव पाण्डेलाई पक्राउ गरी अनुसन्धान अघि बढाएको हो ।