गिरिजाप्रसाद कोइराला सामुदायिक भवनको शिलान्यास

झापा। झापाको गौरादह नगरपालिका–९ बैगुनधुराको झमकचोकमा गिरिजाप्रसाद कोइराला सामुदायिक भवनको शिलान्यास भएको छ । गिरिजाप्रसाद कोइराला स्मृति प्रतिष्ठान बैगुनधुराले निर्माण गर्न लागेको उक्त भवनको शुक्रबबार नेपाली कांग्रेस कोशी प्रदेश सभापति उद्धव थापाले शिलान्यास गरेका हुन् ।

स्थानीयवासी महेन्द्र चम्लागाईँले निःशुल्क उपलब्ध गराएको दुई कट्ठा जग्गामा शिलान्यास गरिएको उक्त भवन ५० फिट लामो र ३० फिट चौडाइको हुने प्रतिष्ठान अध्यक्ष उत्तमबहादुर चम्लागाईँले बताए । भवन निर्माणका लागि विभिन्न क्षेत्रबाट सहयोग जुट्ने र जुटाउने क्रम जारी उनले बताए । प्रतिष्ठानको आजीवन सदस्यबाट जनही रु पाँच हजार सहयोग सङ्लकन गरिने भएको छ ।