क्लिनचिटको अपार विफलतापछि धरौटीले पार्दै छ रविलाई नयाँ चक्रव्यूहमा

रवि लामिछानेलाई संसदीय समितिले क्लिन चिट दिएको भनेर स्वयं रविदेखि स्वर्णिम वाग्ले र रास्वपाका अन्य नेता–कार्यकर्ता नाचेको दृश्य धेरै पुरानो भएको छैन । सूर्य थापा नेतृत्वको समितिले दिएको त्यही प्रतिवेदनका आधारमा प्रहरीले भटाभट कारबाही उठायो । अदालतमा मुद्दा पुग्यो । झण्डै सय दिन रवि लामिछाने हिरासत बस्नुपर्‍यो ।

कास्की जिल्ला अदालतले रविलाई ८४ औँ दिनमा हिरासतमुक्त गराउन सर्त तेर्स्यायो । ६५ लाख धरौटी माग्ने आदेशलाई रवि र उनको दल रास्वपाले सहज रुपमा लियो । रविले बाहिर आएर न्याय मरेको रहेनछ भनेर टिप्पणी गरे । उनका समर्थकहरुले ताली बजाए ।