अन्तिम समयमा म्यानचेस्टर युनाइटेड हारबाट जोगियो, फुलहमसँग १–१ को बराबरी

काठमाडौँ । इङ्लिस प्रिमियर लिगअन्तर्गत आइतबार सम्पन्न खेलमा फुलहम र म्यानचेस्टर युनाइटेडले १–१ गोलको बराबरी खेल्दै अंक बाँडेका छन् । यस बराबरीसँगै म्यानचेस्टर युनाइटेड लिग तालिकाको १२औँ स्थानमा उक्लिएको छ भने फुलहम रेलिगेसन जोनको नजिक अर्थात् १९औँ स्थानमा खस्किएको छ ।

खेलको दोस्रो हाफमा आत्मघाती गोलमार्फत फुलहमले सुरुवाती अग्रता लिएको थियो । खेलको ६३औँ मिनेटमा म्यानचेस्टर युनाइटेडका डिफेन्डर लिसान्ड्रो मार्टिनेजले आफ्नै पोस्टमा गोल गरेपछि फुलहम १–० ले अघि बढेको थियो ।