वीरगन्जको मुख्य सडक दसैँअघि व्यवस्थित गरिने

पर्सा । वीरगन्जको मुख्य सडकलाई दसैँअघि नै पूर्ण रूपमा सफा र व्यवस्थित बनाइने भएको छ । वीरगन्ज महानगरपालिकाले मुख्य सडक विस्तारका क्रममा लत्रिएका तार व्यवस्थित गर्ने काम सुरु भएको जनाएको छ ।

सडक विस्तारका क्रममा तार अव्यवस्थित भएपछि पैदलयात्री तथा स्थानीयवासीलाई आवतजावतमा समस्या हुनुका साथै जोखिम बढेपछि व्यवस्थापनको काम सुरु गरिएको वीरगन्ज महानगरपालिका प्रमुख राजेशमान सिंहले जानकारी दिए ।