मुक्तिनाथमा पाँचौं राष्ट्रिय स्की प्रतियोगिता सम्पन्न

२५ माघ, काठमाडौं । नेपाल स्की संघले मुस्ताङ जिल्लाको बारागाउँ मुक्तिनाथ क्षेत्रमा प्रशिक्षण तथा पाँचौं राष्ट्रिय स्की प्रतियोगिता आयोजना गरेको छ।

बारागाउँ मुक्तिनाथ क्षेत्रमा चौथो पटक प्रतियोगिता आयोजना गरेको हो। सन् २०२२ मा तेस्रो राष्ट्रिय प्रतियोगिता सम्पन्न भएपछि हिउँको अभावका कारण तीन वर्षसम्म प्रतियोगिता आयोजना हुन सकेको थिएन। शनिबार सम्पन्न पाँचौँ राष्ट्रिय स्की प्रतियोगितामा ४० खेलाडीमध्ये १४ पुरुष र १० महिला खेलाडी मात्र प्रतिस्पर्धाका लागि योग्य भएका थिए।