एकीकृत समाजवादीको महाधिवेशन सर्ने निश्चित

काठमाडौं । नेपाल कम्युनिस्ट पार्टी (एकीकृत समाजवादी) को महाधिवेशन तोकिएकै मितिमा नहुने निश्चित भएको छ । पार्टीको १०औं महाधिवेशन १४–१८ माघमा गर्ने निर्णय यसअघि भएको थियो । तर, सोही मितिमा महाधिवेशन गर्न नसकेपछि अर्को मितितय गर्न पार्टीको सचिवालय बैठक सोमबार काठमाडौंमा बोलाइएको छ ।

यसअघि महाधिवेशन मिति तय गर्दै पार्टी अध्यक्ष माधवकुमार नेपालले तयारीमा जुट्नका लागि निर्देशन दिएका थिए । तर, निर्वाचन आयोगको सिफारिसमा सरकारले माघमै राष्ट्रिय सभा सदस्यको निर्वाचन गर्ने निर्णय गरेपछि अर्को मिति तय गर्नु बैठक बोलाइएको एकीकृत समाजवादीका उपमहासचिव एवं प्रवक्ता जगन्नाथ खतिवडाले बताए ।