सामाजिक सञ्जालको भ्रम चिर्न युवालाई ओलीको आग्रह

नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले आफ्नो निर्वाचन क्षेत्रमा भएका विकास निर्माणका कामबारे ग्रामीण तहसम्म पुगेर मतदातालाई बुझाउन सुरु गरेका छन्।

आसन्न निर्वाचनलाई लक्षित गर्दै बिहीबार झापाको गौरादहमा आयोजित अगुवा कार्यकर्ता तथा मतदातासँगको अन्तरक्रियामा अध्यक्ष ओलीले सडक, पुल, विद्युत् र खानेपानी जस्ता आधारभूत पूर्वाधारमा एमाले नेतृत्वको सरकारले गरेको उपलब्धिलाई मुख्य चुनावी एजेन्डा बनाउन जोड दिए।