खाँदबारी–किमाथाङ्का सडक ‘ब्रेक थ्रु’ सँगै चीन,नेपाल र भारत जोडियो

संखुवासभा । संखुवासभामा निर्माणाधीन छिमेकी देश चीन–भारत जोड्ने सबैभन्दा छोटो राष्ट्रिय गौरबको जोगवनी किमाथाङ्का सडकको ब्रेक थ्रु गरिएको छ । उत्तरी क्षेत्रको च्याम्ताङदेखि घोङगोप्पासम्मको साढे १० किलोमिटर सडकको चट्टान सहितको भीर नेपाली सेनाले समयअगावै सडकको ट्र्याक खोल्ने काम सम्पन्न गरेको हो ।

आज ब्रेक थ्रु का लागि रक्षा मन्त्री मानवीर राई, भौतिक पूर्वाधार मन्त्री देवेन्द्र दाहाल र ऊर्जा जलस्रोत तथा सिँचाई मन्त्री दिपक खड्का, पूर्व प्रतिनिधिसभा सदस्य तथा नेकपा एमालेका प्रचार विभाग प्रमुख राजेन्द्र प्रसाद गौतमको उपस्थितिमा ‘ब्रेक थ्रु’ गरिएको हो । उक्त सडकको ‘ब्रेक थ्रु’ सँगै भारतदेखि चीनसम्मको उत्तद दक्षिण कोशी राजमार्गको ट्र्याक खोल्ने कार्यसँगै सडक स्तरोन्नति र चौडा बनाउने काम हुनेछ ।