चन्द्रौटा महोत्सवको मुख्य आकर्षण ‘ग्रिन नर्सरी’

कपिलवस्तु । कपिलवस्तुको शिवराज नगरपालिका ५ चन्द्रौटामा आयोजना भएको नवौँ चन्द्रौटा महोत्सवमा एक अनौठो आकर्षण बनिरहेको छ कमान सिंह दर्लामीको ग्रिन नर्सरी। महोत्सवको स्टल नम्बर ११,१२ र १३ मा रहेको यो नर्सरीले उपस्थिति जनाउने हजारौँ आगन्तुकहरूको ध्यान तानिरहेको छ।

महोत्सव स्थलमा प्रवेश गरेसँगै यहाँका ढकमक्क फुलेका फूलहरूको सुगन्ध र रङ्गले सबैलाई मन्त्रमुग्ध बनाएको छ। यहाँ फूलका बिरुवा किन्ने र फोटो खिच्नेहरूको भीड लागेको छ। विशेष गरी, आकर्षक विभिन्न फुल र बिरुवाका प्रजातिहरूले आगन्तुकहरूलाई आकर्षित गर्दै महोत्सवको मुख्य आकर्षण बनेको छ।