चिनी र चामलको जोहोमा लाग्यो सरकार, फिल्डमा उत्रिँदै विभाग

काठमाडौँ । चाडपर्वमा अत्यावश्यक वस्तुमध्ये चामल र चिनी प्रमुख हुन् । गत वर्षको चाडपर्वमा चिनीको निकै अभाव भएको थियो । उपभोक्ताले २ किलो चिनी किन्न घण्टौँ लाइन लाग्नुपर्ने बाध्यता थियो । तर यो वर्ष अभाव हुन नदिन दुई महिना अघिदेखि सरकारले आयातको तयारी थालेको वाणिज्य आपूर्ति तथा उपभोक्ता संरक्षण विभागका महानिर्देशक राजन पौडेल बताउँछन् ।

चाडपर्वको बेला बजारमा अभाव हुन नदिन चिनी र चामल आयातको लागि प्रक्रिया थालिसकेको महानिर्देशक पौडेलको भनाइ छ । ‘सरकारले यो वर्ष चिनी र चामल अभाव नहुने गरी आयात गर्न पहल गरिरहेको छ,’ पौडेलले भने, ‘यो वर्ष चिनीको अभाव हुन्न भन्नेमा हामी विश्वस्त छौँ । चामलको अभाव त गत वर्ष पनि भएन ।’