कर्मचारीले विद्यार्थीको व्यक्तिगत विवरण चुहावट गरेपछि क्याम्पसको स्ववीयू कार्यालयमा ताला

पोखरा । स्ववीयू निर्वाचन मुखमा पोखरास्थित पृथ्वीनारायण क्याम्पसको स्ववियु कार्यालयमा ताला लगाइएको छ । केही विद्यार्थी संगठनले कर्मचारीले विद्यार्थीको व्यक्तिगत विवरण चुहावट गरेको भन्दै विज्ञप्ति टाँसेर तालाबन्दी गरेका हुन् ।

विज्ञप्ति निकालेर तालाबन्दी गर्नेमा अखिल क्रान्तिकारी पिएन अध्यक्ष काशिराम पौडेल, अखिल क्रान्तिकारी अध्यक्ष सचिन पौडेल, विप्लव निकट अखिल क्रान्तिकारी अध्यक्ष विवेक अधिकारी र अखिल क्रान्तिकारी संयुक्त अध्यक्ष गगन परियार छन् । उनीहरुले क्याम्पस प्रशासनसमक्ष दुई बुँदे माग पनि राखेका छन् ।