कोरियन एम्बासडर तेक्वान्दो आर्मीलाई १० स्वर्ण

काठमाडौँ — त्रिभुवन आर्मी क्लबले १० स्वर्ण, १२ रजत र १० कांस्य पदकसहित १३ औं कोरियन एम्बासडर तेक्वान्दो प्रतियोगिताको च्याम्पियन ट्रफी जितेको छ ।

सातदोबाटोस्थित तेक्वान्दो संघको एकेडेमी हलमा शनिबार सम्पन्न च्याम्पियनसिपमा अर्को विभागीय टोली नेपाल पुलिस क्लब ६ स्वर्ण, ५ रजत र ४ कांस्य पदक जित्दै दोस्रो भयो । तेस्रो स्थानको एपीएफ क्लबले ४ स्वर्ण, २ रजत र २ कांस्य पदक जितेको थियो ।