ओसासुनाको सहज जीतः लेभान्टे २-० ले पराजित

काठमाडौँ । ला लिगामा मंगलबार सम्पन्न खेलमा ओसासुनाले लेभान्टेमाथि २-० को जीत हात पारेको छ । खेलको १३ औँ मिनेटमै भिक्टर मुनीयोजले गोल गर्दै घरेलु टोलीलाई अग्रता दिलाए । ३६ औँ मिनेटमा रुबेन गार्सिया सान्तोसले अर्को गोल थप्दै ओसासुनाको जीत सहज बनाइदिए ।

दोस्रो हाफमा लेभान्टेले अवसर खोजे पनि गोल फर्काउन नसक्दा खेल ओसासुनाको पक्षमै समाप्त भयो ।