राप्ती स्वास्थ्य विज्ञान प्रतिष्ठान: उपकुलपति अयोग्य !

२०७८ फागुन १ मा दाङ स्थित राप्ती स्वास्थ्य विज्ञान प्रतिष्ठानका नयाँ उपकुलपति नियुक्तिले प्रतिष्ठानको विकासमा टेवा पुग्ने लख काटियो। प्रतिष्ठानका नयाँ उपकुलपति डा. विकास लामिछानेलाई नेतृत्वका लागि योग्य र सक्षम व्यक्तिका रुपमा चर्चा मात्रै गरिएन, उनको प्रवेशले प्रतिष्ठान उँभो लाग्ने चर्चा बेस्सरी चल्यो।

यति सम्मकी यसअघिकी उपकुलपति संगिता भण्डारी भन्दा योग्य पात्रका रुपमा चित्रण गरेका केहीले त ‘भण्डारीले लथालिङ्ग पारेको’ प्रतिष्ठानलाई सही बाटोमा फर्काउन सक्ने ‘तागतदार’ उपकुलपतिका रुपमा लामिछानेलाई अर्थ्याउन सम्म भ्याए। त्यो बेला तत्कालीन उपकुलपति भण्डारीले प्रतिष्ठानलाई भड्खालोमा हालेको भनेर आरोप निकै लाग्ने गरेको थियो।