पहाडमा चरा खोज्दा मयूर भेटिए

२०७९ साल पुस १४ गते शनिबार ‘चरा फोटोग्राफी’ को उद्देश्यका साथ हामी चरा प्रेमीहरूको समूह बिहानै काभ्रेको पाँचखाल नजिकैको गाँउ तीनपिप्ले हुँदै ढुंगाना बेँसीतर्फ लाग्यौं।

यो स्थान मेरो पुर्ख्यौली थलो हो। बाल्यकालमा केही समय त्यहाँ बिताए पनि पछिल्ला वर्षहरूमा काम विशेषले मात्र जान पाएकोले यस ठाउँबारे खासै जानकारी थिएन। आफ्नै थलोमा चराचुरुङ्गीहरूको अवलोकन र तिनको फोटोग्राफी गर्न पाउनु मेरो लागि निकै रमाइलो र विशेष अवसर थियो।