अमेरिकी सहयोग र अनुदान कटौतीबारे ह्वाइट हाउसले दियो प्रतिक्रिया

काठमाडौं । ह्वाइट हाउसले डेमोक्र्याटहरुको अराजकता रोक्न व्यापक रुपमा अमेरिकी सहयोग एवं फण्डिङ्मा रोक लगाउनु परेको प्रतिक्रिया दिएको छ । ह्वाइट हाउसकी प्रेस सचिव क्यारोलिन लेविटले सरकारी अनुदान तथा अन्य संघीय सहायता रोक्ने ट्रम्प कदम अमेरिकी कर प्रणालीको उचित व्यवस्थापन भएको प्रतिक्रिया दिएकी हुन् ।

अतिबचावको भाषा प्रयोग गर्दै उनले ‘कर डलरको उचित प्रबन्ध’कै लागि ट्रम्पलाई राष्ट्रपति चुनिएकोसम्म अभिव्यक्ति दिन भ्याएकी छन् । ट्रम्प प्रशासनको यो रोकले कुन कार्यक्रम प्रभावित हुन्छन् भन्ने यकिन नभए पनि खर्बौं डलरको सहायता एवं अनुदान बन्द हुनसक्ने अनुमान गरिएको छ ।