उद्धारमा ढिलाइ- बंकरमा रहेका नेपाली विद्यार्थी त्रसित

डोटी । सुदूरपश्चिम विश्वविद्यालयको कृषि विज्ञान संकायबाट ‘अर्न एन्ड लर्न कार्यक्रम’ मार्फत् इजरायल पुगेका विद्यार्थीहरूले इजरायलबाट आफूहरूको तत्काल उद्धार गर्न सरकारसँग आग्रह गरेका छन् ।

‘अर्न एन्ड लर्न कार्यक्रम’मार्फत् इजरायल पुगेका निश्चल पाण्डेले बंकरमा पनि सोचेजस्तै बस्नलाई सहज नभएको बताउनुभएको छ । उहाँका अनुसार सातो जानेगरी साइरनको ठूलो आवाज र आकाशमा निरन्तर उडिरहेका हेलिकोप्टर र फाइटर जेटको आवाजले बंकरमा बस्नेहरूको सातो लिने गरेको छ ।