चुनावमा पूर्वप्रधानमन्त्री ओली, प्रचण्ड र नेपालको दौडधुप , अरु अलमलमा

काठमाडौं । प्रतिनिधिसभा निर्वाचन नजिकिँदै गर्दा चार दशक लामो विरासत बोकेका पूर्वप्रधानमन्त्रीत्रय चुनावी दौडधुपमा छन् भने अन्यमा अलमल देखिएको छ । पूर्वप्रधानमन्त्रीत्रय केपी शर्मा ओली, पुष्पकमल दाहाल ‘प्रचण्ड’ र माधवकुमार नेपाल प्रत्यक्ष रूपमा चुनावी मैदानमै छन् भने डा. बाबुराम भट्टराई मैदानमा उभिएर फर्किएका छन् ।

पूर्वप्रधानमन्त्रीहरू झलनाथ खनाल, शेरबहादुर देउवा, लोकेन्द्रबहादुर चन्द भने प्रत्यक्ष रूपमा सक्रिय देखिँदैनन् । पूर्वप्रधानमन्त्रीत्रय ओली, दाहाल र नेपाललाई आफ्नो राजनीतिक विरासत जोगाउँदै दललाई बलियो बनाउन नातीपुस्ताले प्रयोग गरेको प्रचार अभियानसँग प्रतिस्पर्धा गर्नेदेखि मतदाता र जनतासँगको अन्तक्र्रियाले भ्याइनभ्याइ छ ।