पराजयपछि मेस्सीको आँसुः भविष्यबारे कस्तो सङ्केत ?

एजेन्सी । २०२६ को फिफा विश्वकप फाइनल पनि सकियो । अर्जेन्टिनाले उपाधि भिडन्तमा नमिठो पराजय भोग्यो । तर फाइनलमा पराजित भएपछि लियोनेल मेस्सीको आँसुले उनका समर्थकलाई थप पीडा दिएको छ । तर, खेलपछि उनी मौन रहनुले फुटबल इतिहासकै महान् खेलाडीको भविष्यलाई लिएर थप चिन्ता र आशंका जन्माएको छ ।

अर्जेन्टिनाको लगातार दोस्रो पटक विश्वकप उपाधि जित्ने सपना अतिरिक्त समयमा स्पेनसँग १–० को पराजयसँगै समाप्त भयो । स्पेनले खुसीयाली मनाइरहँदा, ३९ वर्षीय मेस्सी भने आफ्नो खेल जीवनको अन्तिम विश्वकप हुन सक्ने मैदानमा भावुक र स्तब्ध देखिए । पदक वितरण समारोहमा मेस्सीको स्थतिले त्यसलाई थप अनिश्चित बनायो ।