प्रदेश समीकरणबारे विश्वप्रकाश : प्रतिपक्षविहीन हुन नहुने बटमलाइन

काठमाडौँ । नेपाली कांग्रेसका उपसभापति विश्वप्रकाश शर्माले प्रदेश सरकार हेरफेरका सवालमा कांग्रेसको बटम लाइन प्रतिपक्ष विहीन नभएको प्रस्ट्याएका छन् । ‘प्रदेश सरकार बन्दै र हेरफेर हुँदैगर्दा हामी प्रतिपक्षी विहीन परिकल्पना नगरी टुङ्गोमा पुग्न चाहन्छौ’, उपसभापति शर्माले भने, ‘त्यसका लागि आवश्यक परे कांग्रेस प्रतिपक्षमा बस्न पनि तयार हुन्छ तर नागरिकको मनोविज्ञान विपरीत सबै दल सरकारमा बस्नुपर्छ भन्दैन ।’

उनले यसबारे संवादबाट हल गर्ने प्रयास भइरहेको पनि बताए । ‘कांग्रेसमात्र नभएर सबै दलको सहअस्तित्वबाट हल गर्ने गरेर प्रदेश सरकारबारे टुङ्गोमा पुग्छौ’, शर्माको भनाइ छ ।