म्यान्चेस्टर सिटी आउट हुनबाट जोगियो, यात्रा कठिन

काठमाडौं । इंग्लिश क्लब म्यान्चेस्टर सिटी च्याम्पियन्स लिगको प्लेअपबाट आउट हुनबाट जोगिएको छ । बुधबार राती भएको समूह चरणको अन्तिम खेलमा बेल्जियमको क्लब ब्रुगलाई ३-१ ले हराएर म्यान्सिटी शर्मनाक बहिर्गमनबाट जोगिएको हो ।

जितसँगै पेप ग्वार्डिवलाको टोली शीर्ष २४ भित्र सुरक्षित भएको छ भने अब अघिल्लो चरण प्रवेश गर्न प्लेअफको सामना गर्नु पर्ने छ । म्यान्सिटीका लागि कोभासिक र सविन्होले एक–एक गोल गर्दा एक गोल आत्मघाती उपहार पायो ।