टिकटकमाथिको प्रतिबन्ध हट्यो

काठमाण्डौ – सरकारले सामाजिक सञ्जाल टिकटकमाथिको प्रतिबन्ध हटाएको छ । हिजो बसेको मन्त्रिपरिषद् बैठकले करिब एक वर्षदेखि बन्द रहेको टिकटकमाथिको प्रतिबन्ध खुला गर्ने निर्णय गरेको हो ।

सञ्चार तथा सूचना प्रविधिमन्त्री पृथ्वीसुब्बा गुरुङले सामाजिक सञ्जाल सञ्चालन निर्देशिकाको पालना र अरु चार शर्तसहित टिकटकमाथि लगाइएको प्रतिबन्ध खुला गरिएको जानकारी दिनुभयो । निर्देशिका सबै सामाजिक सञ्जालका लागि लागू हुने र टिकटकले त्यसबाहेक पनि चार शर्तहरु पूरा गर्नुपर्ने उहाँले बताउनुभयो ।