रेफ्रीमाथि खनिएका मौरिन्होले भने-‘दुई वटा रातो कार्ड दिनुपर्थ्यो’

काठमाडौँ – स्पेनिस ला लिगाअन्तर्गत ‘मड्रिड डर्बी’ मा एट्लेटिको मड्रिडसँग २–१ ले पराजित भएपछि रियल मड्रिडका मुख्य प्रशिक्षक जोसे मौरिन्होले रेफ्रीको निर्णयप्रति तीव्र असन्तुष्टि जनाएका छन्। खेलपछिको पत्रकार सम्मेलनमा उनी ए–फोर साइजको कागज बोकेर उपस्थित भएका थिए, जसमा एट्लेटिकोका खेलाडीले पाउनुपर्ने रातो कार्डका दुई वटा दृश्यका स्क्रिनसट थिए।

पत्रकार सम्मेलनमा तस्बिर देखाउँदै मौरिन्होले भने, “हामी पत्रकार सम्मेलन नगर्दा पनि हुन्छ, किनकि खेलको असली कहानी यहाँ छ। पहिलो हाफमा एट्लेटिकोका खेलाडीलाई दुई वटा प्रस्ट रातो कार्ड दिनुपर्थ्यो। १० खेलाडीमा सीमित भएर खेल्नुपरेको अवस्थामा यदि ५० मिनेट ११ विरुद्ध ९ को खेल भएको भए के हुन्थ्यो होला ?”