साउदीबाट फर्केर गाईभैँसीपालन: मासिक एक लाख आम्दानी

म्याग्दी। वैदेशिक रोजगारीका लागि १३ वर्ष साउदी अरबमा बिताएर स्वदेश फर्किएका पर्वतको जलजला गाउँपालिका-८ लस्तीका तोपबहादुर क्षेत्रीले अहिले गाईभैँसीपालन व्यवसायबाट राम्रो आम्दानी गरिरहेका छन्।

विसं २०७३ मा तीन वटा गाईभैँसीबाट सुरु गरेको ‘गोमा गाई भैँसी फार्म’ मा अहिले १४ वटा पशु रहेका छन्। क्षेत्रीले दैनिक ९० लिटर दूध बिक्री गरेर मासिक रु एक लाखभन्दा बढी बचत गर्दै आएका छन्।