बाइडेनले सन् २०२४ को राष्ट्रपतिय चुनाब लड्ने ह्वाइट हाउसद्वारा पुष्टि

वासिङ्टन । अमेरिकी राष्ट्रपति जो बाइडेनले सन् २०२४ को राष्ट्रपतिय चुनाब पनि लड्ने भएका छन् । ह्वाइटहाउसले मंगलबार वर्तमान राष्ट्रपति बाइडेन आगामी चुनावमा उठ्ने पुष्टि गरेको हो ।

बाइडेनको राजनीतिक भविष्यलाई लिएर आशंका भैरहँदा ह्वाइटहाउसले उनी दोस्रो कार्यकालका लागि चुनाबमा उठ्ने बताएको हो । अन्तर्राष्ट्रिय सर्वेक्षणमा पछिल्लो समयमा ७९ वर्षिय लोकप्रियतामा कमी आइरहेको देखाइरहेका छन् । बाइडेनकै दल डेमोक्र्याट्सभित्रै पनि उनी आगामी चुनाबमा उठ्ने वा नउठ्नेबारेमा आशंका व्यक्त भैरहेका थिए । तर, ह्वाइट हाउस प्रेस सेक्रेटरी जेन पास्कीले बाइडेनको चुनावमा उठ्ने योजना रहेको बताइन् ।