लोकसेवा परीक्षा: आवेदक महिला बढी उत्तीर्ण पुरुष

लोकसेवा आयोगका विभिन्न तहको परीक्षामा आवेदन दिनेमा महिला बढी भए पनि सफल हुनेमा पुरुष बढी छन्। आयोगको परीक्षा पार गरी निजामती सेवामा सिफारिस हुनेमा पुरुष बढी र महिला कम रहेको लोकसेवा आयोगले राष्ट्रपति रामचन्द्र पौडेललाई प्रस्तुत गरेको आर्थिक वर्ष २०८२/८३ को वार्षिक प्रतिवेदनमा उल्लेख छ। प्रतिवेदनअनुसार आयोगको अनलाइन दरखास्त प्रणालीमार्फत २०८२ साउन १ देखि २०८३ असार मसान्तसम्म तीन लाख ८२ हजार ९४७ दरखास्त संकलन भएका थिए।

जसमा दुई लाख ९३० जना अर्थात् ५२.४७ प्रतिशत महिला र एक लाख ८२ हजार १७ जना अर्थात् ४७.५३ प्रतिशत पुरुष छन्। विज्ञापित पदसंख्या र संकलित दरखास्तका आधारमा प्रतिपद दरखास्त संख्या २५० हुन आउँछ। विगतका वर्षहरूमा जस्तै पछिल्लो अवधिमा पनि ७७ वटै जिल्लाबाट दरखास्त प्राप्त भएका छन्।