कांग्रेस महाधिवेशन : नेतृत्व चयन प्रतिस्पर्धात्मक कि सर्वसम्मत ?

४ असोज, काठमाडौं । नेपाली कांग्रेसको आसन्न १५औं महाधिवेशनमा प्यानलगत प्रतिस्पर्धा नहुने दाबी नेताहरूले गरेका छन् । सभापति पदमा प्रतिस्पर्धाको सम्भावना न्यून रहेको तर अन्य पदमा भने प्रतिस्पर्धा हुने उनीहरूले बताएका छन् ।

गत पुसमा विशेष महाधिवेशनबाट बनेको कार्यसमितिमा क्रमशः अन्य नेताहरू पनि थपिँदै गएसँगै चुनावी प्रतिस्पर्धाबाट पदाधिकारी छनोट हुने स्पष्ट संकेत देखिएको छ ।