नेपालमा दुर्लभ सार्कोमा क्यान्सरको सफल शल्यक्रिया

काभ्रेको सिर मेमोरियल अस्पतालमा उपचाररत ७० वर्षीय एक पुरुषको पेटबाट करिब १० केजी तौलको दुर्लभ सार्कोमा ट्युमर सफल शल्यक्रियामार्फत निकालिएको छ। चिकित्सकका अनुसार नेपालमा यति ठूलो सार्कोमा ट्युमर निकालिएको यो पहिलो घटना हो।

पेट अस्वाभाविक रूपमा फुलेको समस्या लिएर अस्पताल पुगेका ती बिरामीको सिटी स्क्यान गर्दा पेटभित्र ठूलो सार्कोमा क्यान्सर ट्युमर भेटिएको थियो। त्यसपछि आइतबार भक्तपुर क्यान्सर अस्पतालका क्यान्सर सर्जन डा. पुण्य खरबुजा र डा. ध्रुव कँडेलको टोलीले करिब ६ घण्टा लामो शल्यक्रिया गरी ट्युमर सफलतापूर्वक निकालेको हो।