खेलमा मिलेमतो र ठगीको आरोपमा एन्फाका दुई पदाधिकारी पक्राउ

काठमाडौं । खेलमा मिलेमतो तथा अनियमितता र ठगीसम्बन्धी कसुरको अनुसन्धानका क्रममा अखिल नेपाल फुटबल संघ (एन्फा) का दुई पदाधिकारी पक्राउ परेका छन् ।

अनुसन्धान ब्यूरोका अनुसार राष्ट्रिय खेलकुद परिषद्, प्रधान कार्यालय, त्रिपुरेश्वरको पत्र तथा वसन्त रिजालको निवेदन/जाहेरीका आधारमा नेपाल सरकार वादी र रविन्द्र जोशीसमेत प्रतिवादी रहेको खेलमा मिलेमतो तथा अनियमितता गर्न नहुने र ठगीसम्बन्धी कसुरको मुद्दामा अनुसन्धान भइरहेको छ ।