ट्रम्पले भने-वाशिंटन डीसी हवाई दुर्घटनाको कारण अझै अज्ञात

काठमाडौं । अमेरिकी राष्ट्रपति डोनाल्ड ट्रम्पले वाशिंटन डीसी हवाई दुर्घटनाको कारण अझै अज्ञात रहेको र जाँच जारी रहेको बताएका छन् । राष्ट्रपति ट्रम्पले बुधबार राती एक विमान र सैन्य हेलिकोप्टर टक्राएर भएको दुर्घटनाको जाँच चलिरहेको र आफुहरुको दिल टुटेको बताएका हुन् ।

उक्त हवाई दुर्घटनामा ६७ जनाको मृत्यु भएको छ । अमेरिकी अधिकारीहरुले कोही पनि जीवित बचेको हुन नसक्ने अनुमान लगाएका छन् । जहाँ अमेरिकन एयरलाइन्सको विमानमा ६४ जना र हेलिकोप्टरमा ३ जना सवार रहेको बताइएको छ ।