निर्भीक बौद्धिकको बिदाइ

साढे दुई वर्षअघि मैले ‘डा. देवेन्द्रराज पाण्डे र स्वावलम्बन अवधारणा’ बारे बोलेको थिएँ। त्यसबेला डा. पाण्डे मेरै सामु बसेर सुनिरहनुभएको थियो। दुःखद कुरा, अब उहाँको भौतिक शरीर हामीमाझ छैन। उहाँले छोडिगएका सम्झना भने ताजै छन्। उहाँका योगदान र मार्गदर्शन अनुकरणीय छन्।

मेरो जन्म विशालनगरमै भएकाले उहाँ मेरो छिमेकी हुनुहुन्थ्यो। उहाँको कान्छो भाइ कल्याणराज पाण्डे मेरो साथी। स्कुल अलग थियो तर हामी सँगै क्रिकेट खेल्थ्यौँ।