टोटनह्याम हट्स्पर युरोपा लिगको अन्तिम १६ मा

काठमाडौं । इंग्लिश क्लब टोटनह्याम हट्स्पर युरोपा लिगको अन्तिम १६ मा पुगेको छ । बिहीबार राती भएको खेलमा टोटनह्यामले एल्फ्सबर्गलाई ३–० ले हराउँदै लिगको अन्तिम १६ मा स्थान बनाएको हो ।

पहिलो आधा अर्थात् हाफ गोलरहित बराबरी भएको खेलमा ७० औं मिनेटमा डेन स्कारलेटले खाता खोले । ८४ औं मिनेटमा डी अजयीले गोल थपे भने थपिएको अतिरिक्त समय अर्थात् ९४ औं मिनेटमा मिकी मूरले जित पक्का गरे ।