जिम्बाब्वेविरुद्ध अस्ट्रेलियाको क्लिन स्वीप, अन्तिम खेलमा रोमाञ्चक १ विकेटको जित

अस्ट्रेलियाले जिम्बाब्वेविरुद्धको तीन खेलको एकदिवसीय अन्तर्राष्ट्रिय शृंखला क्लिन स्वीप गरेको छ। हरारेमा भएको तेस्रो खेलमा अस्ट्रेलियाले रोमाञ्चक रूपमा १ विकेटमा जित निकाल्दै घरेलु टोलीलाई सान्त्वना जितबाट समेत वञ्चित गर्‍यो।

जितका लागि प्राप्त लक्ष्य पछ्याउने क्रममा अस्ट्रेलिया एक समय २६औँ ओभरमा १६२ रनमा तीन विकेटको अवस्थामा सहज देखिएको थियो। तर ब्राड इभान्सले एलेक्स केरीलाई आउट गरेपछि अस्ट्रेलियाको ब्याटिङ दबाबमा आयो। त्यसपछि लगातार विकेट गुम्दा खेल जिम्बाब्वेको पक्षमा जाने देखिएको थियो।