सह–अस्तित्वदेखि अस्तित्वको प्रश्नसम्म माण्डवी

मानिसको जीवन, सम्बन्ध र अस्तित्वसंग जोडिएका प्रश्नलाई रंगमञ्चमा प्रस्तुत गर्दै मौलिक नाटक माण्डवीको मञ्चन सुरु भएको छ। सद्भाव थिएटर–नेपालको प्रस्तुति तथा राम केएसीको लेखन–निर्देशनमा तयार भएको नाटकको पुस्तक लोकार्पणसंगै राजधानीको थिएटरमा यसको मञ्चन सुरु गरिएको हो।

नाटकको पुस्तक लोकार्पण कार्यक्रममा त्रिभुवन विश्वविद्यालयकी उप–प्राध्यापक डा. कान्छी महर्जनले माण्डवीले उठाएको सह–अस्तित्वको विषय समाज विकासका लागि महत्वपूर्ण रहेको बताइन्। नेपाल संगीत तथा नाट्य प्रज्ञा प्रतिष्ठानका परिषद् सदस्य तथा प्राज्ञ जीतबहादुर देउजा ‘विजय विस्फोट’ ले भने माण्डवीलाई ज्यादै प्रयोगवादी नाटकका रूपमा टिप्पणी गरे।नाटक केवल कथाका रूपमा हेर्दा यसको गहिराइ सीमित हुने निर्माण पक्षको भनाइ छ। नाटकले मानिसले आप्mनै जीवनको गति, सम्बन्ध र अस्तित्वसँग गरिरहेको प्रश्नलाई संवेदनशील रूपमा प्रस्तुत गरेको छ।