बारामा ट्राफिक सप्ताह सुरु

बारा । प्रमुख जिल्ला अधिकारीले ट्राफिक सप्ताहको उदघाटन गरेका छन् । जिल्ला ट्राफिक कार्यालय बाराले आयोजना गरेको सडक सुरक्षा सप्ताहको प्रमुख जिल्ला अधिकारी शंशिधर घिमिरेले उदघाटन गरेका हुन ।

जितपुर सिमरा उपमहानगरपालिकामा ट्राफिक कार्यालयको आयोजनामा भएको सडक सप्ताह कार्यक्रममा प्रमुख जिल्ला अधिकारी, प्रहरी उपरीक्षक महेन्द्र खड्का, अनुसन्धान प्रमुख दिपक खड्का सुरक्षा प्रमुख, विभिन्न विधालयका विधार्थी लगायतको सहभागितामा ट्राफिक सम्बन्धि जनचेतना जगाउन नगरको परिक्रमा गरि जनचेतना फैलाइएको थियो ।