मकै–कोदो छोडेर किसान झुमिए सिल्भर डलर खेतीमा, बजारको माग धान्नै मुस्किल

काठमाडौं । जंगली जनावरबाट अन्नबाली जोगाउन कठिन भएपछि मकवानपुरको भीमफेदीका किसान सिल्भर डलर खेतीतर्फ आकर्षित भएका छन् । छोटो समयमै उत्पादन, राम्रो बजार र दीर्घकालीन आम्दानीका कारण यसको व्यावसायिक खेती बढ्दै गएको छ ।

मकै, गहुँलगायत अन्नबाली जंगली जनावरले नष्ट गर्न थालेपछि मकवानपुरको भीमफेदी गाउँपालिका–७ कोगटेका किसानले खेतीको नयाँ विकल्प रोजेका छन् । परम्परागत खेतीबाट अपेक्षित आम्दानी लिन नसकेपछि किसानहरू अहिले सिल्भर डलर अर्थात् युकालिप्टस खेतीतर्फ आकर्षित भएका हुन् ।