इटहरीमा ५ हजार केजी गाँजा बरामद

इटहरी । तरकारी लोड गरिएकोजस्तो देखिने दुई ट्रकमा लुकाएर लैजाने क्रममा सशस्त्र प्रहरीले इटहरीबाट करिब पाँच हजार किलो गाँजा बरामद गरेको छ । इटहरी उपमहानगरपालिका–५ स्थित स्यार्सेकाली पेट्रोल पम्पबाट आइतबार बिहानको राति करिब १ः३० बजेतिर शंकास्पद अवस्थामा रोकिएका दुई ट्रकबाट करिब पाँच हजार किलो गाँजा बरामद गरिएको हो ।

बरामद भएको गाँजा ना ४ ख २९०१ नम्बरको ट्रक र बा ५ ख ११६९ नम्बरको मिनी ट्रकमा लोड गरिएको अवस्थामा भेटिएको सशस्त्र प्रहरीले जनाएको छ । खानतलासी गर्दा ट्रकमा तरकारी राखिएको भए पनि त्यसैभित्र लुकाइराखिएको एक सय ५८ बोरा गाँजा फेला परेको हो ।