नवलपुरमा कृषकका लागि अनुदान, असोज १३ गतेभित्र आवेदन दिन आह्वान

नवलपुर । कृषि विकास कार्यालय नवलपरासी (बर्दघाट–सुस्तापूर्व) ले करिब रु पाँच करोड अनुदान वितरण गर्ने गरी कृषकसमक्ष प्रस्ताव पेस गर्न आह्वान गरेको छ। कार्यालयले विभिन्न १० वटा शीर्षकमा जिल्लाका कृषकलाई अनुदान वितरण गर्ने तयारी गरेको छ।

आर्थिक वर्ष २०८३/८४ को स्वीकृत वार्षिक कार्यक्रमअनुसार रु चार करोड ७७ लाख ५० हजार बराबरको अनुदान वितरण गर्न लागिएको वरिष्ठ कृषि विकास अधिकृत राजेश्वर सिलवालले बताए। अनुदानका लागि जिल्लाभित्रका कृषक, कृषि फर्म, कृषि कम्पनी, कृषक समूह तथा कृषि सहकारी संस्थाले असोज १३ गतेसम्म प्रस्ताव पेस गर्न सक्नेछन्।