१३ वर्षीया चिनियाँ किशोरीले एसियाली खेलकुदमा बनाइन् नयाँ कीर्तिमान

काठमाडौं । चीनकी १३ वर्षीया पौडी खेलाडी यु जिदीले एसियाली खेलकुदको पहिलो दिन महिलातर्फ २०० मिटर बटरफ्लाइ प्रतियोगितामा स्वर्ण पदक जितेकी छन्।

यु जिदीले २ मिनेट ०५.०८ सेकेन्डमा दौड पूरा गरी एसियाली खेलकुदमा नयाँ कीर्तिमान बनाएकी हुन्। यु जिदीको समय उनकी स्वदेशी झाङ युफेईको तीन वर्षअघिको रेकर्डभन्दा लगभग आधा सेकेन्ड कम हो।